اس کا کوئی مجھے پتہ ہی نہیں
وہ مرے شہر میں رہا ہی نہیں
اس کی آنکھیں عجیب آنکھیں تھیں
خواب جن میں کبھی سجا ہی نہیں
تیرا انکار کیا قیامت ہے
لوگ کہنے لگے خدا ہی نہیں
وہ خیالوں میں گھر میں رہتا ہے
وہ سفر پر کبھی گیا ہی نہیں
عمر بھر تیرا ذکر کرنا ہے
ایک دن کا یہ سلسلہ ہی نہیں
چاند شب بھر اداس رہتا ہے
وہ دریچے سے جھانکتا ہی نہیں
فاصلہ کچھ نہ کچھ رکھا اس نے
ٹوٹ کر وہ کبھی ملا ہی نہیں
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
