uske charche aam bahut hain

us ke charche aam bahut haiñ

gul gulshan gulfām bahut haiñ

vaise to ārām bahut haiñ

lekin ham ko kaam bahut haiñ

rang tabassum ḳhushbū jalve

rut tere in.aam bahut haiñ

ek khilaunā chābī vaalā

le to luuñ par daam bahut haiñ

shāyad ho us paar ḳhamoshī

is jānib kohrām bahut haiñ

qistoñ meñ ab marnā kaisā

jiine ke paiġhām bahut haiñ

aage pīchhe kis ke jaa.eñ

ham jaise nākām bahut haiñ

qadam qadam haiñ rāvan lekin

nirbal ke bas raam bahut haiñ

izzat shohrat duniyā-dārī

mere sar ilzām bahut haiñ

ḳhāliq aaqā qādir daatā

mālik tere naam bahut haiñ

khel tamāsha jaadū Tonā

bāzīgar ke kaam bahut haiñ

kaun kare ab fikr kisī kī

log yahāñ badnām bahut haiñ

chalo 'sabā' se mil kar aa.eñ

us ke bhī ālām bahut haiñ

us ke charche aam bahut hain

gul gulshan gulfam bahut hain

waise to aaram bahut hain

lekin hum ko kaam bahut hain

rang tabassum KHushbu jalwe

rut tere inam bahut hain

ek khilauna chabi wala

le to lun par dam bahut hain

shayad ho us par KHamoshi

is jaanib kohram bahut hain

qiston mein ab marna kaisa

jine ke paigham bahut hain

aage pichhe kis ke jaen

hum jaise nakaam bahut hain

qadam qadam hain rawan lekin

nirbal ke bas ram bahut hain

izzat shohrat duniya-dari

mere sar ilzam bahut hain

KHaliq aaqa qadir data

malik tere nam bahut hain

khel tamasha jadu Tona

bazigar ke kaam bahut hain

kaun kare ab fikr kisi ki

log yahan badnam bahut hain

chalo 'saba' se mil kar aaen

us ke bhi aalam bahut hain