uske munh ka kaDwa bol bhi kaisa tha

us ke muñh kā kaḌvā bol bhī kaisā thā

duudh meñ jaise shahd milā ho lagtā thā

khulī havā meñ uḌte uḌte mar jaanā

qafas meñ rah kar jiine se to achchhā thā

shādī ho jaane par beTā bhuul gayā

beva maañ ne kaise us ko paalā thā

aaj maiñ us kā haath pakaḌ kar chaltā huuñ

kal jo merī uñglī thāme chaltā thā

ab to us meñ yādoñ kā hai shor bahut

man kā āñgan pahle kitnā suunā thā

soch rahā thā aap mire ghar meñ kaise

aañkh khulī to samajh meñ aayā sapnā thā

din bhar hañstā phirtā thā jo saḌkoñ par

vo pāgal tanhā.ī meñ aksar rotā thā

sar ko ūñchā kar ke jo chaltā thā 'rafīq'

asl meñ mujh se qad meñ zarā vo chhoTā thā

us ke munh ka kaDwa bol bhi kaisa tha

dudh mein jaise shahd mila ho lagta tha

khuli hawa mein uDte uDte mar jaana

qafas mein rah kar jine se to achchha tha

shadi ho jaane par beTa bhul gaya

bewa man ne kaise us ko pala tha

aaj main us ka hath pakaD kar chalta hun

kal jo meri ungli thame chalta tha

ab to us mein yaadon ka hai shor bahut

man ka aangan pahle kitna suna tha

soch raha tha aap mere ghar mein kaise

aankh khuli to samajh mein aaya sapna tha

din bhar hansta phirta tha jo saDkon par

wo pagal tanhai mein aksar rota tha

sar ko uncha kar ke jo chalta tha 'rafiq'

asl mein mujh se qad mein zara wo chhoTa tha