uski aankhon mein kuchh nami si hai
us kī āñkhoñ meñ kuchh namī sī hai
vaqt kī nabz bhī thamī sī hai
har taraf juuñ kī tuuñ hai har ik shai
kyuuñ tabī.at meñ barhamī sī hai
koī ab tak samajh nahīñ paayā
zindagī gūñge aadmī sī hai
merī jaañ terī surḳhī-e-lab meñ
ḳhuun dil kī mire kamī sī hai
us se hāsil nahīñ farār kabhī
dard ik chiiz lāzmī sī hai
vo fasurda nazar nahīñ aatā
sirf poshāk mātamī sī hai
merā dil bhārī ho gayā hai 'kamāl'
us kī yādoñ kī tah jamī sī hai
us ki aankhon mein kuchh nami si hai
waqt ki nabz bhi thami si hai
har taraf jun ki tun hai har ek shai
kyun tabiat mein barhami si hai
koi ab tak samajh nahin paya
zindagi gunge aadmi si hai
meri jaan teri surKHi-e-lab mein
KHun dil ki mere kami si hai
us se hasil nahin farar kabhi
dard ek chiz lazmi si hai
wo fasurda nazar nahin aata
sirf poshak matami si hai
mera dil bhaari ho gaya hai 'kamal'
us ki yaadon ki tah jami si hai
- Book : Radd-e-amal (Pg. 72)
- Author : Ahmad Kamal Hashami
- Publication : Ahmad Kamal Hashami (2016)
- Edition : 2016
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
