uski diwar ka jo rauzan hai

us kī dīvār kā jo rauzan hai

ḳhur kā chashm-o-charāg raushan hai

lutf-e-mufrat se dost dushman hai

bārish-e-besh barq-e-ḳhirman hai

gosha-gīrī meñ hirs afzūñ ho

sub.h shabnam ko fikr-e-raftan hai

ishq meñ tere taar taar ai shoḳh

jeb ġhunche kī gul kā dāman hai

shauq meñ terī teġh kā yaksar

sham.a saañ tan tamām gardan hai

bahs kartā hai shaiḳh ka.abe se

jo tire dair kā barahman hai

surḳh mehñdī huī hai us kī siyāh

rañg-e-shādī meñ rañg-e-shevan hai

tum ne khole chaman meñ band-e-qabā

baal parvāz-e-rañg-e-gulshan hai

jo zamīn-e-suḳhan hai us meñ 'vaqār'

ek muddat se merā maskan hai

us ki diwar ka jo rauzan hai

KHur ka chashm-o-charag raushan hai

lutf-e-mufrat se dost dushman hai

barish-e-besh barq-e-KHirman hai

gosha-giri mein hirs afzun ho

subh shabnam ko fikr-e-raftan hai

ishq mein tere tar tar ai shoKH

jeb ghunche ki gul ka daman hai

shauq mein teri tegh ka yaksar

shama san tan tamam gardan hai

bahs karta hai shaiKH kabe se

jo tere dair ka barahman hai

surKH mehndi hui hai us ki siyah

rang-e-shadi mein rang-e-shewan hai

tum ne khole chaman mein band-e-qaba

baal parwaz-e-rang-e-gulshan hai

jo zamin-e-suKHan hai us mein 'waqar'

ek muddat se mera maskan hai