uski jab bazm se hum ho ke ba-tang aate hain

Meer Hasan

uski jab bazm se hum ho ke ba-tang aate hain

Meer Hasan

MORE BYMeer Hasan

    us jab bazm se ham ho ke ba-tañg aate haiñ

    apne saath aap karte hue jañg aate haiñ

    husn meñ jab ta.iiñ garmī na ho deve kaun

    sham-e-tasvīr ke kab gird patañg aate haiñ

    dil ko kis bū-qalamoñ jalve ne hai ḳhuun kiyā

    ashk ā.ankhoñ se jo ye rañg-ba-rañg aate haiñ

    aah ta.azīm ko uThtī hai mire siine se

    dil pe jab us nigāhoñ ke ḳhadañg aate haiñ

    shart gar pūchho to hai is meñ bhī qismat varna

    āshiqī karne ke har ek ko Dhañg aate haiñ

    naḳhl-e-vahshat bhī magar un samar rakhtā hai

    har taraf se jo ye dīvāroñ pe sañg aate haiñ

    hairat-afzā hai ajab kūcha-e-dildār 'hasan'

    jo vahāñ jaate haiñ is tarf se dañg aate haiñ

    us ki jab bazm se hum ho ke ba-tang aate hain

    apne sath aap hi karte hue jang aate hain

    husn mein jab tain garmi na ho ji dewe kaun

    sham-e-taswir ke kab gird patang aate hain

    dil ko kis bu-qalamon jalwe ne hai KHun kiya

    ashk aaankhon se jo ye rang-ba-rang aate hain

    aah tazim ko uThti hai mere sine se

    dil pe jab us ki nigahon ke KHadang aate hain

    shart gar puchho to hai is mein bhi qismat warna

    aashiqi karne ke har ek ko Dhang aate hain

    naKHl-e-wahshat bhi magar un ka samar rakhta hai

    har taraf se jo ye diwaron pe sang aate hain

    hairat-afza hai ajab kucha-e-dildar 'hasan'

    jo wahan jate hain is tarf se dang aate hain

    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY