uski KHwahish pe nae sher barabar kahna
us kī ḳhvāhish pe na.e sher barābar kahnā
aur phir sun ke unheñ us kā mukarrar kahnā
ḳhushk āñkheñ liye hañstā huā dekho jis ko
us ko sahrā nahīñ kah denā samundar kahnā
kyā ajab hai ki ho beTe kī faqat haar pe haar
aur maañ kā use har baar sikandar kahnā
ye to ham haiñ baḌe dil vaale jo kah dete haiñ
varna āsān nahīñ apne se behtar kahnā
pahle ham 'mīr' ke qadmoñ ko zarā chuum aa.eñ
ba.ad meñ yaaro hameñ khul ke suḳhnavar kahnā
ishq ke māroñ ko kahnā nahīñ dekho kuchh bhī
aur agar kahnā hī chāho to qalandar kahnā
us ki KHwahish pe nae sher barabar kahna
aur phir sun ke unhen us ka mukarrar kahna
KHushk aankhen liye hansta hua dekho jis ko
us ko sahra nahin kah dena samundar kahna
kya ajab hai ki ho beTe ki faqat haar pe haar
aur man ka use har bar sikandar kahna
ye to hum hain baDe dil wale jo kah dete hain
warna aasan nahin apne se behtar kahna
pahle hum 'mir' ke qadmon ko zara chum aaen
baad mein yaro hamein khul ke suKHnawar kahna
ishq ke maron ko kahna nahin dekho kuchh bhi
aur agar kahna hi chaho to qalandar kahna
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
