usne jate hue kaha badla

us ne jaate hue kahā badla

ḳhud se lūñgā maiñ ab tirā badla

saḳht sardī meñ chaa.e order kī

ham ne mausam se le liyā badla

is dupaTTe ko chhū ke va.ada kar

jo bhī badlā vo pā.egā badla

maiñ tire naam kar to duuñ lekin

dil blochan kā chāhegā badla

ek shā.ir se bad-tamīzī kā

ham ne sheroñ meñ le liyā badla

ye mirī tarbiyat nahīñ varna

maiñ batātī tumheñ hai kyā badla

maiñ to chup huuñ magar mire dushman

tum se legā mirā ḳhudā badla

terī dastār bhī hai dāman bhī

maiñ ne phir bhī nahīñ liyā badla

maiñ tirī bebasī se vāqif huuñ

mujh pe jaa.ez nahīñ rahā badla

ishq aur hijr kī musībat se

maiñ ne lenā thā aur liyā badla

haañ ye sach hai badal ga.ī 'īmāñ'

kyūñki tum se thā ab ravā badla

us ne jate hue kaha badla

KHud se lunga main ab tera badla

saKHt sardi mein chae order ki

hum ne mausam se le liya badla

is dupaTTe ko chhu ke wada kar

jo bhi badla wo paega badla

main tere nam kar to dun lekin

dil blochan ka chahega badla

ek shair se bad-tamizi ka

hum ne sheron mein le liya badla

ye meri tarbiyat nahin warna

main batati tumhein hai kya badla

main to chup hun magar mere dushman

tum se lega mera KHuda badla

teri dastar bhi hai daman bhi

main ne phir bhi nahin liya badla

main teri bebasi se waqif hun

mujh pe jaez nahin raha badla

ishq aur hijr ki musibat se

main ne lena tha aur liya badla

han ye sach hai badal gai 'iman'

kyunki tum se tha ab rawa badla