usne meri rah na dekhi aur wo rishta toD liya
us ne merī raah na dekhī aur vo rishta toḌ liyā
jis rishte kī ḳhātir mujh se duniyā ne muñh moḌ liyā
baḌī baḌī ḳhushiyoñ ko haañ nazdīk se jā kar dekhā to
maiñ ne raah ke chalte-phirte dukh se naata joḌ liyā
maiñ kitne rañgoñ meñ Dhaltā kab tak ḳhud se laḌ paatā
jīvan ek safar thā jis ne roz nayā ik moḌ liyā
aise shaḳhs ko miir banāyā jo bas ḳhvāb dikhātā thā
bastī ke logoñ ne apnā-āp muqaddar phoḌ liyā
maiñ to bholā-bhālā 'vasīm' aur vo fankār siyāsat kā
us ke jab ghaTne kī baarī aa.ī mujh ko joḌ liyā
us ne meri rah na dekhi aur wo rishta toD liya
jis rishte ki KHatir mujh se duniya ne munh moD liya
baDi baDi KHushiyon ko han nazdik se ja kar dekha to
main ne rah ke chalte-phirte dukh se nata joD liya
main kitne rangon mein Dhalta kab tak KHud se laD pata
jiwan ek safar tha jis ne roz naya ek moD liya
aise shaKHs ko mir banaya jo bas KHwab dikhata tha
basti ke logon ne apna-ap muqaddar phoD liya
main to bhola-bhaala 'wasim' aur wo fankar siyasat ka
us ke jab ghaTne ki bari aai mujh ko joD liya
- Book : Aankhon Ankhon Rahe (Pg. 80)
- Author : Waseem Barelvi
- Publication : Maktaba Jamia Ltd. (2007)
- Edition : 2007
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
