us par banti miTti dhanak uske nam ki

us paar bantī miTtī dhanak us ke naam kī

is paar maiñ huuñ aur siyāhī hai shaam kī

kin kin bulandiyoñ se ulajhtā rahā hai zehn

ye āsmāñ jhalak bhī nahīñ us ke baam kī

alfāz kī giraft se hai māvarā hanūz

ik baat kah gayā vo magar kitne kaam kī

ejaaz de rahā huuñ ab apne hunar ko maiñ

shamshīr ke liye hai zarūrat niyām kī

ik raushnī sī mujh pe utartī hai gaah gaah

buniyād us ne Daalī payām-o-salām kī

ḳhushbū kā koī rañg na paikar na pairahan

tasvīr hai magar tire tarz-e-ḳhirām kī

bolo ki tum bhī rakhte ho ik sarguzisht 'ramz'

sambhlo ki us ne apnī kahānī tamām kī

us par banti miTti dhanak us ke nam ki

is par main hun aur siyahi hai sham ki

kin kin bulandiyon se ulajhta raha hai zehn

ye aasman jhalak bhi nahin us ke baam ki

alfaz ki giraft se hai mawara hanuz

ek baat kah gaya wo magar kitne kaam ki

ejaz de raha hun ab apne hunar ko main

shamshir ke liye hai zarurat niyam ki

ek raushni si mujh pe utarti hai gah gah

buniyaad us ne Dali payam-o-salam ki

KHushbu ka koi rang na paikar na pairahan

taswir hai magar tere tarz-e-KHiram ki

bolo ki tum bhi rakhte ho ek sarguzisht 'ramz'

sambhlo ki us ne apni kahani tamam ki