us shajar par kuchh dinon tak aashiyan mera bhi tha

us shajar par kuchh dinoñ tak āshiyāñ merā bhī thā

chaar rañgoñ kā sahī lekin makāñ merā bhī thā

haq tumhārī tarah har shai par yahāñ merā bhī thā

ye zamīñ merī bhī thī ye āsmāñ merā bhī thā

dekh lo merī jabīñ par bhī haiñ sajdoñ ke nishāñ

zindagī ke vāste ik āstāñ merā bhī thā

is liye hoñToñ ko mere pyaas chhū paatī nahīñ

duḳhtar-e-raz bhī mirī pīr-e-muġhāñ merā bhī thā

jaane kyuuñ dozaḳh se bad-tar ho ga.e hālāt aaj

rashk-e-jannat kal talak hindostāñ merā bhī thā

āzmāyā zarf ko mere bhī duniyā ne 'navāb'

ziist ke har moḌ par ik imtihāñ merā bhī thā

us shajar par kuchh dinon tak aashiyan mera bhi tha

chaar rangon ka sahi lekin makan mera bhi tha

haq tumhaari tarah har shai par yahan mera bhi tha

ye zamin meri bhi thi ye aasman mera bhi tha

dekh lo meri jabin par bhi hain sajdon ke nishan

zindagi ke waste ek aastan mera bhi tha

is liye honTon ko mere pyas chhu pati nahin

duKHtar-e-raz bhi meri pir-e-mughan mera bhi tha

jaane kyun dozaKH se bad-tar ho gae haalat aaj

rashk-e-jannat kal talak hindostan mera bhi tha

aazmaya zarf ko mere bhi duniya ne 'nawab'

zist ke har moD par ek imtihan mera bhi tha