use bhi rabt-e-rihaish tamam karna tha

use bhī rabt-e-rihā.ish tamām karnā thā

mujhe bhī apnā koī intizām karnā thā

nigār-ḳhāne se us ne bhī rañg lene the

mujhe bhī shaam kā kuchh ehtimām karnā thā

mujhe bhī kahnī thī ik nazm us ke lahje par

use bhī ishq meñ kuchh apnā naam karnā thā

bas ek lunch hī mumkin thā jaldī jaldī meñ

use bhī jaanā thā mujh ko bhī kaam karnā thā

charāġh jalte the jis ke ik ek aasan meñ

us ek raat kā kyā iḳhtitām karnā thā

koī kitāb girānī thī koī sandesa

kisī tarah to use ham-kalām karnā thā

bas ek raat bhī guzrī nahīñ vahāñ 'mansūr'

tamām umr jahāñ par qayām karnā thā

use bhi rabt-e-rihaish tamam karna tha

mujhe bhi apna koi intizam karna tha

nigar-KHane se us ne bhi rang lene the

mujhe bhi sham ka kuchh ehtimam karna tha

mujhe bhi kahni thi ek nazm us ke lahje par

use bhi ishq mein kuchh apna nam karna tha

bas ek lunch hi mumkin tha jaldi jaldi mein

use bhi jaana tha mujh ko bhi kaam karna tha

charagh jalte the jis ke ek ek aasan mein

us ek raat ka kya iKHtitam karna tha

koi kitab girani thi koi sandesa

kisi tarah to use ham-kalam karna tha

bas ek raat bhi guzri nahin wahan 'mansur'

tamam umr jahan par qayam karna tha