use chhute hue bhi Dar raha tha

use chhūte hue bhī Dar rahā thā

vo merā pahlā pahlā tajraba thā

agarche dukh hamāre mushtarak the

magar jo do diloñ meñ fāsla thā

kabhī ik dūsre par khul na paa.e

hamāre darmiyāñ ik tīsrā thā

vo ik din jaane kis ko yaad kar ke

mire siine se lag ke ro paḌā thā

use bhī pyaar thā ik ajnabī se

mire bhī dhyān meñ ik dūsrā thā

bichhaḌte vaqt us ko fikr kyuuñ thī

basar karnī to merā mas.ala thā

vo jab samjhā mujhe us vaqt 'anjum'

mirā me.aar hī badlā huā thā

use chhute hue bhi Dar raha tha

wo mera pahla pahla tajraba tha

agarche dukh hamare mushtarak the

magar jo do dilon mein fasla tha

kabhi ek dusre par khul na pae

hamare darmiyan ek tisra tha

wo ek din jaane kis ko yaad kar ke

mere sine se lag ke ro paDa tha

use bhi pyar tha ek ajnabi se

mere bhi dhyan mein ek dusra tha

bichhaDte waqt us ko fikr kyun thi

basar karni to mera masala tha

wo jab samjha mujhe us waqt 'anjum'

mera mear hi badla hua tha