use KHabar hi nahin thi wo kis jahan mein tha

use ḳhabar hī nahīñ thī vo kis jahān meñ thā

khulī fazā thī parinda khulī uḌaan meñ thā

use maiñ dekh rahā huuñ tumhāre siine meñ

vo ek tiir jo ab tak mirī kamān meñ thā

so us kī jaan bachānī bahut zarūrī thī

bhale vo bhaag ke aaya mirī amaan meñ thā

ki naav thakne lagī thī havā se laḌte hue

magar vo hausla baaqī jo bādbān meñ thā

koī to baat nikalnī thī baat karne se

koī to rābta donoñ ke darmiyān meñ thā

use pata hī nahīñ thā ye ratjagā kyā hai

mujhe ḳhabar hī nahīñ thī maiñ imtihān meñ thā

kisī kī baat se mujh ko yaqīñ milā 'ārib'

vahī yaqīn jo ab tak mire gumān meñ thā

use KHabar hi nahin thi wo kis jahan mein tha

khuli faza thi parinda khuli uDan mein tha

use main dekh raha hun tumhaare sine mein

wo ek tir jo ab tak meri kaman mein tha

so us ki jaan bachani bahut zaruri thi

bhale wo bhag ke aaya meri aman mein tha

ki naw thakne lagi thi hawa se laDte hue

magar wo hausla baqi jo baadban mein tha

koi to baat nikalni thi baat karne se

koi to rabta donon ke darmiyan mein tha

use pata hi nahin tha ye ratjaga kya hai

mujhe KHabar hi nahin thi main imtihan mein tha

kisi ki baat se mujh ko yaqin mila 'arib'

wahi yaqin jo ab tak mere guman mein tha