usi ko dost rakha dusra banaya nahin

usī ko dost rakhā dūsrā banāyā nahīñ

ka.ī banāte haiñ maiñ ne ḳhudā banāyā nahīñ

ye bastī raat kā kis tarah sāmnā karegī

yahāñ kisī ne bhī din meñ diyā banāyā nahīñ

patā karo ki ye naqqāsh kis qabīl kā hai

parinda jab bhī banāyā rihā banāyā nahīñ

ye log zulm kamā kar shab aise sote haiñ

ḳhudā ne jaise ki roz-e-jazā banāyā nahīñ

lahū bhī jaltā hai jhaḌtī hai ḳhaak bhī merī

ki sher utartā hai lekin banā-banāyā nahīñ

vo mehrbāñ hai magar bhūltā nahīñ mujh ko

vo ek kaam jo us ne mirā banāyā nahīñ

udaas dekhā nahīñ jaatā koī mujh se 'aqīl'

kisī ko is liye hāl-āshnā banāyā nahīñ

usi ko dost rakha dusra banaya nahin

kai banate hain main ne KHuda banaya nahin

ye basti raat ka kis tarah samna karegi

yahan kisi ne bhi din mein diya banaya nahin

pata karo ki ye naqqash kis qabil ka hai

parinda jab bhi banaya riha banaya nahin

ye log zulm kama kar shab aise sote hain

KHuda ne jaise ki roz-e-jaza banaya nahin

lahu bhi jalta hai jhaDti hai KHak bhi meri

ki sher utarta hai lekin bana-banaya nahin

wo mehrban hai magar bhulta nahin mujh ko

wo ek kaam jo us ne mera banaya nahin

udas dekha nahin jata koi mujh se 'aqil'

kisi ko is liye haal-ashna banaya nahin