usi ko raaz bataya jo raazdar na tha

usī ko raaz batāyā jo rāzdār na thā

bharosa jis pe jatāyā vo pā.edār na thā

junūn use bhī rahā āñdhiyoñ pe qabze kā

jise ḳhud apnī hī sāñsoñ pe e.atibār na thā

nadī ke paar pahuñchne meñ kitne Duub ga.e

pata chalā ki nayā kuchh nadī ke paar na thā

magar ye baat bhī bārish ke baad saaf huī

fazā meñ gard thī ā.īne par ġhubār na thā

nishāne-bāzī meñ tum bhī kamāl ho 'vāsiq'

shikār ho gayā vo bhī ki jo shikār na thā

usi ko raaz bataya jo raazdar na tha

bharosa jis pe jataya wo paedar na tha

junun use bhi raha aandhiyon pe qabze ka

jise KHud apni hi sanson pe eatibar na tha

nadi ke par pahunchne mein kitne Dub gae

pata chala ki naya kuchh nadi ke par na tha

magar ye baat bhi barish ke baad saf hui

faza mein gard thi aaine par ghubar na tha

nishane-bazi mein tum bhi kamal ho 'wasiq'

shikar ho gaya wo bhi ki jo shikar na tha