usi ne hijraten kuchh aur bhi bitai thin

usī ne hijrateñ kuchh aur bhī bitā.ī thiiñ

vo shaḳhs jis ke liye kashtiyāñ jalā.ī thiiñ

milā thā kyā tumhīñ bolo aziim phankāro

mire qalam ne to gum-nāmiyāñ kamā.ī thiiñ

abhī to haath meñ hī sañg-pāre the lekin

sukūt-e-āb pe kitnī ḳharāsheñ aa.ī thiiñ

uḌā ke barg-e-ḳhizāñ-dīda kī tarah ik roz

usī ne pūchhā thā phir āñdhiyāñ kab aa.ī thiiñ

kisī ko qissa-e-pākī-e-chashm yaad nahīñ

ye āñhkeñ kaun sī barsāt meñ nahā.ī thiiñ

ta.alluqāt meñ sanjīda moḌ jab aa.e

to ehtiyāteñ bahut us kī yaad aa.ī thiiñ

usi ne hijraten kuchh aur bhi bitai thin

wo shaKHs jis ke liye kashtiyan jalai thin

mila tha kya tumhin bolo azim phankaro

mere qalam ne to gum-namiyan kamai thin

abhi to hath mein hi sang-pare the lekin

sukut-e-ab pe kitni KHarashen aai thin

uDa ke barg-e-KHizan-dida ki tarah ek roz

usi ne puchha tha phir aandhiyan kab aai thin

kisi ko qissa-e-paki-e-chashm yaad nahin

ye aanhken kaun si barsat mein nahai thin

talluqat mein sanjida moD jab aae

to ehtiyaten bahut us ki yaad aai thin