utarti kyon ye sari ja rahi hai

utartī kyoñ ye saarī jā rahī hai

kahāñ merī ḳhumārī jā rahī hai

nazar nīchī kiye phirte haiñ bhañvre

kalī kī sharmsārī jā rahī hai

Thahākoñ meñ hue tabdīl aañsū

shab-e-furqat guzārī jā rahī hai

ajab mūrakh ho sīrat dekhte ho

abhī sūrat nikhārī jā rahī hai

kahāroñ kī jagah dikhtī haiñ ḳhushiyāñ

dukhoñ kī vo savārī jā rahī hai

baḌe-chhoToñ se bach ke chal rahe haiñ

purānī pāsdārī jā rahī hai

lageñ jis kī zamāne bhar ko nazreñ

nazar us kī utārī jā rahī hai

miyāñ ham bhī to pīchhe hī paḌe haiñ

ġhazal kī reḌh maarī jā rahī hai

yahāñ hāthoñ meñ chhāle ho ga.e haiñ

vahāñ qismat sañvārī jā rahī hai

bigaḌ mat dekh bas chup-chāp 'sāhil'

nadī kis kis pe vaarī jā rahī hai

utarti kyon ye sari ja rahi hai

kahan meri KHumari ja rahi hai

nazar nichi kiye phirte hain bhanwre

kali ki sharmsari ja rahi hai

Thahakon mein hue tabdil aansu

shab-e-furqat guzari ja rahi hai

ajab murakh ho sirat dekhte ho

abhi surat nikhaari ja rahi hai

kahaaron ki jagah dikhti hain KHushiyan

dukhon ki wo sawari ja rahi hai

baDe-chhoTon se bach ke chal rahe hain

purani pasdari ja rahi hai

lagen jis ki zamane bhar ko nazren

nazar us ki utari ja rahi hai

miyan hum bhi to pichhe hi paDe hain

ghazal ki reDh mari ja rahi hai

yahan hathon mein chhaale ho gae hain

wahan qismat sanwari ja rahi hai

bigaD mat dekh bas chup-chap 'sahil'

nadi kis kis pe wari ja rahi hai