uTh gae yan se apne hamdam to
uTh ga.e yaañ se apne hamdam to
haath malte hī rah ga.e ham to
yaar aayā hai dekh luuñ is ko
ai ajal dam le tū koī dam to
mūnis-e-tāza haiñ ye dard-o-alam
muddatoñ kā rafīq hai ġham to
apnā āshiq na jaan tū mujh ko
is ko jaane hai ek aalam to
be-halāvat nahīñ ḳhat-e-lab-e-yār
fil-haqīqat shakar hai ye sam to
dil bhī bah jā.egā tire ham-rāh
kārvān-e-sarishk Tuk tham to
kyuuñ rakhūñ daaġh dil par ai 'joshish'
daaġh ko bah kare hai marham to
uTh gae yan se apne hamdam to
hath malte hi rah gae hum to
yar aaya hai dekh lun is ko
ai ajal dam le tu koi dam to
munis-e-taza hain ye dard-o-alam
muddaton ka rafiq hai gham to
apna aashiq na jaan tu mujh ko
is ko jaane hai ek aalam to
be-halawat nahin KHat-e-lab-e-yar
fil-haqiqat shakar hai ye sam to
dil bhi bah jaega tere ham-rah
karwan-e-sarishk Tuk tham to
kyun rakhun dagh dil par ai 'joshish'
dagh ko bah kare hai marham to
- Deewan-e-Joshish(Rekhta Website)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
