uTh gai aaj chand ki Doli

uTh ga.ī aaj chāñd kī Dolī

kitnī vīrāñ hai raat kī jholī

apnā saaya sameT kar rakhnā

mujh se ik bhāgtī kiran bolī

ab to jaag ai shaboñ kī shahzādī

tujh ko sonā thā umr-bhar so lī

saañs roko charāġh gul kar do

aaj badlegī chāñdnī cholī

maiñ huuñ sāthī sulagte sahrā kā

tū ThiThurtī kiran kī ham-jolī

ek dariyā sambhal sambhal ke chalā

ek kashtī qadam qadam Dolī

āsmāñ tū abhī zamīñ pe na aa

maiñ ne muTThī abhī nahīñ kholī

kab talak koī dil pe kaan dhare

kaun samjhe 'rashīd' kī bolī

uTh gai aaj chand ki Doli

kitni viran hai raat ki jholi

apna saya sameT kar rakhna

mujh se ek bhagti kiran boli

ab to jag ai shabon ki shahzadi

tujh ko sona tha umr-bhar so li

sans roko charagh gul kar do

aaj badlegi chandni choli

main hun sathi sulagte sahra ka

tu ThiThurti kiran ki ham-joli

ek dariya sambhal sambhal ke chala

ek kashti qadam qadam Doli

aasman tu abhi zamin pe na aa

main ne muTThi abhi nahin kholi

kab talak koi dil pe kan dhare

kaun samjhe 'rashid' ki boli