uThae dosh pe tariKH-e-hadsat-e-jahan

uThā.e dosh pe tārīḳh-e-hādsāt-e-jahāñ

guzar rahā hai dayār-e-hayāt se insāñ

bichhā rahā hai fazāoñ meñ dām-e-kāhkashāñ

tire gudāz badan kā tabassum-e-pinhāñ

laboñ pe laakh lagā.e koī sukūt kī mohr

magar ḳhamoshī na hogī jarāhatoñ kī zabāñ

bhaḌak uThe na kahīñ phir charāġh-e-zaḳhm kī lau

sambhal sambhal ke sunāo hadīs-e-shahr-e-butāñ

dhuāñ dhuāñ sī milī hai fazā-e-shahr-e-junūñ

bujhī hai raat ga.e jab bhī mash.al-e-zindāñ

ye vo jahāñ hai ki har shahr-e-sañg-o-ḳhisht ke ba.ad

qadam qadam pe hai 'ishrat' dayār-e-shīsha-garāñ

uThae dosh pe tariKH-e-hadsat-e-jahan

guzar raha hai dayar-e-hayat se insan

bichha raha hai fazaon mein dam-e-kahkashan

tere gudaz badan ka tabassum-e-pinhan

labon pe lakh lagae koi sukut ki mohr

magar KHamoshi na hogi jarahaton ki zaban

bhaDak uThe na kahin phir charagh-e-zaKHm ki lau

sambhal sambhal ke sunao hadis-e-shahr-e-butan

dhuan dhuan si mili hai faza-e-shahr-e-junun

bujhi hai raat gae jab bhi mashal-e-zindan

ye wo jahan hai ki har shahr-e-sang-o-KHisht ke baad

qadam qadam pe hai 'ishrat' dayar-e-shisha-garan