اٹھتے ہیں بلبلے لب وجداں بہ صد خروش

اٹھتے ہیں بلبلے لب وجداں بہ صد خروش

دنیائے عقل و وجد کی حیرانی روئے دوش

پنہاں ہیں صد سوال پس پردۂ حیا

دل دے دیا جواب تھا لیکن رہے خموش

آنکھیں نظر سمجھ سبھی اندام حس تمام

آواز عزم نیتیں سنتے بہ ہوش گوش

بازار زندگی کے خریدار و مشتری

بے رہ روی میں ہو گئے سب ہی انا فروش

اک موج غم گزیدگی سے ہیں نڈھال سب

آئینۂ درست میں سب ہی سراب پوش

دیکھوں جدھر فقط ہے ہیا ہوئے کام و آز

ملتا ہے جو غریق بلاہائے ناؤ نوش

آہنؔ بہ حال بے خبری سب سفر حضر

ماتم کناں ہو کیوں نہ ہمہ وقت اب سروش