humse chunan-chunin na karo hum nashe mein hain

ham se chunāñ-chunīñ na karo ham nashe meñ haiñ

ham jo kaheñ nahīñ na karo ham nashe meñ haiñ

nashsha koī Dhakī-chhupī tahrīk to nahīñ

har-chand tum yaqīñ na karo ham nashe meñ haiñ

aisā na ho ki aap kī bāñhoñ meñ aa gireñ

āñkhoñ ko ḳhashmagīñ na karo ham nashe meñ haiñ

bāteñ karo nigār o bahār o sharāb kī

azkār-e-shar-o-dīñ na karo ham nashe meñ haiñ

ye vaqt hai 'adam' kī tavāzo.a kā sāhibo

tañg apnī āstīñ na karo ham nashe meñ haiñ

hum se chunan-chunin na karo hum nashe mein hain

hum jo kahen nahin na karo hum nashe mein hain

nashsha koi Dhaki-chhupi tahrik to nahin

har-chand tum yaqin na karo hum nashe mein hain

aisa na ho ki aap ki banhon mein aa giren

aankhon ko KHashmagin na karo hum nashe mein hain

baaten karo nigar o bahaar o sharab ki

azkar-e-shar-o-din na karo hum nashe mein hain

ye waqt hai 'adam' ki tawazoa ka sahibo

tang apni aastin na karo hum nashe mein hain