tab se aashiq hain hum ai tifl-e-pari-wash tere

tab se āshiq haiñ ham ai tifl-e-parī-vash tere

jab se maktab meñ tū kahtā thā alif be te se

yaad aatā hai vo harfoñ kā uThānā ab tak

jiim ke peT meñ ek nukta hai aur ḳhālī he

he kī par shakl havāsil kī sī aatī hai nazar

nuqta is par jo lagā ḳhe huā ye vaah be ḳhe

daal bhī chhoTī bahan us kī hai juuñ ātūje

ek parkāla sā beTā bhī hai ghar meñ un ke

re bhī ḳhālī hai aur ze pe hai vo nukta ek

ki mushābah hai jo til se mirī ruḳhsāre ke

scene ḳhālī hai baḌī shiin pe haiñ nuqta tiin

saad aur zaad meñ bas farq hai ik nuqte se

to.e bin turra hai aur zo.e par ik nuqta phir

ain be-aib hai aur kaane miyāñ ġhain hue

fe pe ik nuqta hai aur qaaf pe haiñ nuqta do

kaaf bhī ḳhālī hai aur laam bhī ḳhālī, ye le

miim bhī yuuñ hī hai aur nuun ke andar nuqta

muflisā beg hai ye vaav bhī aur chhoTī he

kyā ḳhalīfa jī ye hai hai hai nahīñ se nikle

aage chhuTTī do ai lo laam alif hamza ye

gāliyāñ terī hī suntā hai ab 'inshā' varna

kis kī tāqat hai alif se jo kahe us ko be

tab se aashiq hain hum ai tifl-e-pari-wash tere

jab se maktab mein tu kahta tha alif be te se

yaad aata hai wo harfon ka uThana ab tak

jim ke peT mein ek nukta hai aur KHali he

he ki par shakl hawasil ki si aati hai nazar

nuqta is par jo laga KHe hua ye wah be KHe

dal bhi chhoTi bahan us ki hai jun aatuje

ek parkala sa beTa bhi hai ghar mein un ke

re bhi KHali hai aur ze pe hai wo nukta ek

ki mushabah hai jo til se meri ruKHsare ke

scene KHali hai baDi shin pe hain nuqta tin

sad aur zad mein bas farq hai ek nuqte se

toe bin turra hai aur zoe par ek nuqta phir

ain be-aib hai aur kane miyan ghain hue

fe pe ek nuqta hai aur qaf pe hain nuqta do

kaf bhi KHali hai aur lam bhi KHali, ye le

mim bhi yun hi hai aur nun ke andar nuqta

muflisa beg hai ye waw bhi aur chhoTi he

kya KHalifa ji ye hai hai hai nahin se nikle

aage chhuTTi do ai lo lam alif hamza ye

galiyan teri hi sunta hai ab 'insha' warna

kis ki taqat hai alif se jo kahe us ko be