وعدہ فرما کے بے قرار کیا
وعدہ فرما کے بے قرار کیا
عمر بھر ہم نے انتظار کیا
اس سراپا بہار نے دل کو
ناز و انداز سے شکار کیا
وہ ہی بے رحم و بے وفا نکلا
جس کی باتوں کا اعتبار کیا
کوچۂ عشق میں ہوا غافل
دل نے ہر چند ہوشیار کیا
وہ ہمارے ہی ہو گئے گویا
دل نے کچھ اس طرح قرار کیا
ایک بے درد کی محبت نے
دردؔ مضطر کو اشک بار کیا
مأخذ :
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
Close
rare Unpublished content
This ghazal contains ashaar not published in the public domain. These are marked by a red line on the left.
