wadi-e-gham mein tere sath sath bhaTak raha hun main

vādi-e-ġham meñ tere saath saath bhaTak rahā huuñ maiñ

tujh ko mirī talāsh hai aur tujhe DhūñDtā huuñ maiñ

hañstā huuñ boltā bhī huuñ rotā huuñ sochtā bhī huuñ

puurā mizāj-e-ādmī sab ko dikhā rahā huuñ maiñ

itnā hujūm-e-ādmī hai ki hisāb meñ nahīñ

phir bhī gila hai aañkh se kuchh nahīñ dekhtā huuñ maiñ

dekhtā huuñ maiñ vāqi.āt silsila-e-taġhayyurāt

sadiyoñ se vast meñ banā shahr kā rāsta huuñ maiñ

mauja-e-gard-e-rah uThā hāsil-e-zindagī lagā

qāfila-e-hayāt kī sa.ī se āshnā huuñ maiñ

wadi-e-gham mein tere sath sath bhaTak raha hun main

tujh ko meri talash hai aur tujhe DhunDta hun main

hansta hun bolta bhi hun rota hun sochta bhi hun

pura mizaj-e-admi sab ko dikha raha hun main

itna hujum-e-admi hai ki hisab mein nahin

phir bhi gila hai aankh se kuchh nahin dekhta hun main

dekhta hun main waqiat silsila-e-taghayyuraat

sadiyon se wast mein bana shahr ka rasta hun main

mauja-e-gard-e-rah uTha hasil-e-zindagi laga

qafila-e-hayat ki sai se aashna hun main