wah kya KHub qadr ki dil ki

vaah kyā ḳhuub qadr kī dil kī

na sunī tum ne ek bhī dil kī

zabt-e-fariyād meñ kaTī shab-e-hijr

shukr hai baat rah ga.ī dil kī

mast haiñ nashsha-e-javānī se

kyā ḳhabar aap ko kisī dil kī

baḌhtā jaatā hai tūl-e-gesū-e-yār

ghaTtī jaatī hai zindagī dil kī

vo zamāna ab aayā hai 'mahshar'

hai har ik bazm meñ hañsī dil kī

wah kya KHub qadr ki dil ki

na suni tum ne ek bhi dil ki

zabt-e-fariyaad mein kaTi shab-e-hijr

shukr hai baat rah gai dil ki

mast hain nashsha-e-jawani se

kya KHabar aap ko kisi dil ki

baDhta jata hai tul-e-gesu-e-yar

ghaTti jati hai zindagi dil ki

wo zamana ab aaya hai 'mahshar'

hai har ek bazm mein hansi dil ki