waqia sach hi sahi hum kah ke pachhtae bahut

vāqi.a sach hī sahī ham kah ke pachhtā.e bahut

dostoñ ne pattharoñ ke phuul barsā.e bahut

aañkh uThā ke ham ne dekhā hī nahīñ ḳhud ko kabhī

gardish-e-ayyām ne ā.īne dikhlā.e bahut

ek dil hai ranj-o-ġham kī bastiyoñ ke darmiyāñ

ek ghar ke vāste haiñ itne hamsā.e bahut

jaane kaisā thā safar manzil kahāñ par rah ga.ī

ham hudūd-e-zāt se aage nikal aa.e bahut

tauba āġhāz-e-mohabbat kī kashākash kashmakash

ham bhī ghabrā.e bahut aur vo bhī sharmā.e bahut

kyā ajab hai āsmāñ se ḳhuun kī bārish huī

khet jalte hī rahe dariyā to lahrā.e bahut

waqia sach hi sahi hum kah ke pachhtae bahut

doston ne pattharon ke phul barsae bahut

aankh uTha ke hum ne dekha hi nahin KHud ko kabhi

gardish-e-ayyam ne aaine dikhlae bahut

ek dil hai ranj-o-gham ki bastiyon ke darmiyan

ek ghar ke waste hain itne hamsae bahut

jaane kaisa tha safar manzil kahan par rah gai

hum hudud-e-zat se aage nikal aae bahut

tauba aaghaz-e-mohabbat ki kashakash kashmakash

hum bhi ghabrae bahut aur wo bhi sharmae bahut

kya ajab hai aasman se KHun ki barish hui

khet jalte hi rahe dariya to lahrae bahut