waqif hain KHu-e-yar se dekhe chalan tamam

vāqif haiñ ḳhū-e-yār se dekhe chalan tamām

yak aan ġhamza-zan kabhī shamshīr-zan tamām

kis soz-e-andarūn ne tujh ko kiyā figār

kis shaḳhs vāste hai dilā ye suḳhan tamām

gul-rañg-o-lāla-fām-o-shafaq-tāb-o-ḳhusha-izār

yak māh-e-nau se maañd hue sīm-tan tamām

so nāma-bar ko kaahe thamā.eñ payām ham

mastūr hai nigāh meñ apnā suḳhan tamām

rakkhā hai saiñt saiñt tirā dard dostā

garche naqab lagāyā kiye rāhzan tamām

bas ai jamāl-e-yār tirā iltifāt thā

joñ vā huā nigāh pe bāġh-e-adan tamām

haa.e vo pal na rok sake ashk-e-lāla-gūñ

ahvāl-e-shauq jaan ga.ī anjuman tamām

waqif hain KHu-e-yar se dekhe chalan tamam

yak aan ghamza-zan kabhi shamshir-zan tamam

kis soz-e-andarun ne tujh ko kiya figar

kis shaKHs waste hai dila ye suKHan tamam

gul-rang-o-lala-fam-o-shafaq-tab-o-KHusha-izar

yak mah-e-nau se mand hue sim-tan tamam

so nama-bar ko kahe thamaen payam hum

mastur hai nigah mein apna suKHan tamam

rakkha hai saint saint tera dard dosta

garche naqab lagaya kiye rahzan tamam

bas ai jamal-e-yar tera iltifat tha

jon wa hua nigah pe bagh-e-adan tamam

hae wo pal na rok sake ashk-e-lala-gun

ahwal-e-shauq jaan gai anjuman tamam