waqif nahin to uske labon ko kanwal na likh
vāqif nahīñ to us ke laboñ ko kañval na likh
alfāz ko ḳhizāb lagā kar ġhazal na likh
momin ke saath sirf ḳhudā hai sanam nahīñ
us bekasī ko uqda-e-mushkil kā hal na likh
lafzoñ meñ kab simaTtā hai vo sehr-e-be-karāñ
sheroñ ko husn-e-dost kā nemul-badal na likh
insān aap apnī tabāhī ko kam nahīñ
duniyā kī is tabāhī ko kār-e-ajal na likh
'sahbā' ke saath saath na chal sāya-e-zamīr
ai mere ham-nashīñ mirī fard-e-amal na likh
waqif nahin to us ke labon ko kanwal na likh
alfaz ko KHizab laga kar ghazal na likh
momin ke sath sirf KHuda hai sanam nahin
us bekasi ko uqda-e-mushkil ka hal na likh
lafzon mein kab simaTta hai wo sehr-e-be-karan
sheron ko husn-e-dost ka nemul-badal na likh
insan aap apni tabahi ko kam nahin
duniya ki is tabahi ko kar-e-ajal na likh
'sahba' ke sath sath na chal saya-e-zamir
ai mere ham-nashin meri fard-e-amal na likh
- Book : Sarkashidah (Pg. 183)
- Author : Sahba Akhtar
- Publication : Maktaba-e-Nadeem ke airia ko rangi Karachi (1977)
- Edition : 1977
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
