wafa-dari ghanimat ho gai kya

vafā-dārī ġhanīmat ho ga.ī kyā

mohabbat bhī muravvat ho ga.ī kyā

adālat farsh-e-maqtal dho rahī hai

usūloñ kī shahādat ho ga.ī kyā

zarā īmān-dārī se batāo

hameñ tum se mohabbat ho ga.ī kyā

farishtoñ jaisī sūrat kyuuñ banā lī

koī ham se sharārat ho ga.ī kyā

kitābat rokne kā kyā sabab hai

kahānī kī ishā.at ho ga.ī kyā

mazār-e-pīr se āvāz aa.ī

faqīrī bādshāhat ho ga.ī kyā

ghaTā.eñ pūchhne ko aa rahī haiñ

hamārī chhat kī hālat ho ga.ī kyā

ye kaisā jashn hai us kī galī meñ

koī bandish ijāzat ho ga.ī kyā

wafa-dari ghanimat ho gai kya

mohabbat bhi murawwat ho gai kya

adalat farsh-e-maqtal dho rahi hai

usulon ki shahadat ho gai kya

zara iman-dari se batao

hamein tum se mohabbat ho gai kya

farishton jaisi surat kyun bana li

koi hum se shararat ho gai kya

kitabat rokne ka kya sabab hai

kahani ki ishaat ho gai kya

mazar-e-pir se aawaz aai

faqiri baadshahat ho gai kya

ghaTaen puchhne ko aa rahi hain

hamari chhat ki haalat ho gai kya

ye kaisa jashn hai us ki gali mein

koi bandish ijazat ho gai kya