wafa ke bab mein kar-e-suKHan tamam hua

vafā ke baab meñ kār-e-suḳhan tamām huā

chalo ki rishta-e-rūh-o-badan tamām huā

kitāb-e-hijr-e-musalsal khulī hamāre liye

ki bāb-e-vasl sar-e-anjuman tamām huā

ajiib dhuup sar-e-sehn-e-tan utar aa.ī

mizāj tursh huā bāñkpan tamām huā

basāratoñ ko sameTo bujhā lo āñkhoñ ko

bayān-e-karbal-e-sarv-o-saman tamām huā

rafū-garī kā hunar siikh to liyā 'azmī'

numūd-e-fan meñ magar pairahan tamām huā

wafa ke bab mein kar-e-suKHan tamam hua

chalo ki rishta-e-ruh-o-badan tamam hua

kitab-e-hijr-e-musalsal khuli hamare liye

ki bab-e-wasl sar-e-anjuman tamam hua

ajib dhup sar-e-sehn-e-tan utar aai

mizaj tursh hua bankpan tamam hua

basaraton ko sameTo bujha lo aankhon ko

bayan-e-karbal-e-sarw-o-saman tamam hua

rafu-gari ka hunar sikh to liya 'azmi'

numud-e-fan mein magar pairahan tamam hua