wafa ke dagh ko dil se miTa nahin sakta
vafā ke daaġh ko dil se miTā nahīñ saktā
ye vo charāġh hai tūfāñ bujhā nahīñ saktā
mujhe kuchh aisī pilā.ī hai chashm-e-sāqī ne
surūr jis kā kabhī dil se jā nahīñ saktā
kisī kī chīn-e-jabīñ ko samajh dil-e-muztar
ḳhafā vo haiñ ki to ulfat chhupā nahīñ saktā
qafas qafas hai guloñ se sajā kare sayyād
chaman kā lutf asīrī meñ aa nahīñ saktā
kabhī is ujḌe chaman meñ bahār aa.egī
ye 'qādrī' ke gumāñ meñ bhī aa nahīñ saktā
wafa ke dagh ko dil se miTa nahin sakta
ye wo charagh hai tufan bujha nahin sakta
mujhe kuchh aisi pilai hai chashm-e-saqi ne
surur jis ka kabhi dil se ja nahin sakta
kisi ki chin-e-jabin ko samajh dil-e-muztar
KHafa wo hain ki to ulfat chhupa nahin sakta
qafas qafas hai gulon se saja kare sayyaad
chaman ka lutf asiri mein aa nahin sakta
kabhi is ujDe chaman mein bahaar aaegi
ye 'qadri' ke guman mein bhi aa nahin sakta
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
