wafa ki KHu pas-e-jah-o-jalal rah gai thi

vafā kī ḳhū pas-e-jāh-o-jalāl rah ga.ī thī

anā ke ḳhol meñ vo be-misāl rah ga.ī thī

khaTak rahī hai na jaane kyoñ aaj bhī dil meñ

jo ek baat darūn-e-savāl rah ga.ī thī

milā jo mauqa to ham fā.eda uThā.eñge

ki pichhlī baar adhūrī dhamāl rah ga.ī thī

janāb-e-qais bhī marne meñ haq-ba-jānib the

ki shahr bhar meñ vahī ḳhush-ḳhisāl rah ga.ī thī

samay kī gard ne ojhal kiye sabhī qisse

magar jo ek thī chāhat kamāl rah ga.ī thī

ġhalat kahā thā ki rāhat milī mohabbat se

ye zindagī to thakan se niDhāl rah ga.ī thī

ye log aag lagāne meñ itne māhir the

musālahat to pas-e-ishti.āl rah ga.ī thī

maiñ oḌhe phirtā huuñ ab june ke mahīne meñ

nishānī us kī jo ik zard shaal rah ga.ī thī

vo misl-e-dard paḌā rah gayā thā siine meñ

so us kī yaad bhī ban ke malāl rah ga.ī thī

kabhī na sochā 'umar' us ko Thes pahuñchegī

use mirī mujhe fikr-e-ayāl rah ga.ī thī

wafa ki KHu pas-e-jah-o-jalal rah gai thi

ana ke KHol mein wo be-misal rah gai thi

khaTak rahi hai na jaane kyon aaj bhi dil mein

jo ek baat darun-e-sawal rah gai thi

mila jo mauqa to hum faeda uThaenge

ki pichhli bar adhuri dhamal rah gai thi

janab-e-qais bhi marne mein haq-ba-jaanib the

ki shahr bhar mein wahi KHush-KHisal rah gai thi

samay ki gard ne ojhal kiye sabhi qisse

magar jo ek thi chahat kamal rah gai thi

ghalat kaha tha ki rahat mili mohabbat se

ye zindagi to thakan se niDhaal rah gai thi

ye log aag lagane mein itne mahir the

musalahat to pas-e-ishtial rah gai thi

main oDhe phirta hun ab june ke mahine mein

nishani us ki jo ek zard shaal rah gai thi

wo misl-e-dard paDa rah gaya tha sine mein

so us ki yaad bhi ban ke malal rah gai thi

kabhi na socha 'umar' us ko Thes pahunchegi

use meri mujhe fikr-e-ayal rah gai thi