wafa ki tashhir karne wala fareb-gar hai sitam to ye hai

vafā kī tash.hīr karne vaalā fareb-gar hai sitam to ye hai

nigāh-e-yārāñ meñ phir bhī vo shaḳhs mo'tabar hai sitam to ye hai

ham aise sāda-diloñ ko tujh se milegī dād-e-ḳhulūs kaise

zamāna-sāzī kī ḳhū tire ahd meñ hunar hai sitam to ye hai

agar tujhe ilm hī na hotā to phir kabhī ham gila na karte

sukūn kyuuñ chhin gayā hamārā tujhe ḳhabar hai sitam to ye hai

karishma-e-husn dāman-e-dil ko khīñchtā hai qadam qadam par

satā.ish-e-ḳhāl-o-ḳhad kī mī.ād muḳhtasar hai sitam to ye hai

khulā hai bāb-e-qafas to is par ḳhushī kā iz.hār kar rahe ho

milī hai jis ko rihā.ī mahrūm-e-bāl-o-par hai sitam to ye hai

wafa ki tashhir karne wala fareb-gar hai sitam to ye hai

nigah-e-yaran mein phir bhi wo shaKHs mo'tabar hai sitam to ye hai

hum aise sada-dilon ko tujh se milegi dad-e-KHulus kaise

zamana-sazi ki KHu tere ahd mein hunar hai sitam to ye hai

agar tujhe ilm hi na hota to phir kabhi hum gila na karte

sukun kyun chhin gaya hamara tujhe KHabar hai sitam to ye hai

karishma-e-husn daman-e-dil ko khinchta hai qadam qadam par

sataish-e-KHal-o-KHad ki miad muKHtasar hai sitam to ye hai

khula hai bab-e-qafas to is par KHushi ka izhaar kar rahe ho

mili hai jis ko rihai mahrum-e-baal-o-par hai sitam to ye hai