wahan shayad koi baiTha hua hai
vahāñ shāyad koī baiThā huā hai
abhī khiḌkī meñ ik jaltā diyā hai
mirā dil bhī ajab ḳhālī viyā hai
kisī kī yaad ne jis ko bharā hai
parinde shāḳh se lipTe hue haiñ
ye kaisā ḳhauf ḳhema-zan huā hai
mirī ḳhāmoshiyoñ kī jhiil meñ phir
kisī āvāz kā patthar girā hai
mohabbat kā muqaddar dekhte ho
havā ne kuchh to paanī par likhā hai
usī par khul rahe haiñ saare mausam
jo apne ghar se bāhar aa gayā hai
charāġho ab zarā apnī sunāo
havā kā kaam puurā ho chukā hai
mohabbat phir vahīñ le aa.ī 'ādil'
ye jañgal bār-hā dekhā huā hai
wahan shayad koi baiTha hua hai
abhi khiDki mein ek jalta diya hai
mera dil bhi ajab KHali wiya hai
kisi ki yaad ne jis ko bhara hai
parinde shaKH se lipTe hue hain
ye kaisa KHauf KHema-zan hua hai
meri KHamoshiyon ki jhil mein phir
kisi aawaz ka patthar gira hai
mohabbat ka muqaddar dekhte ho
hawa ne kuchh to pani par likha hai
usi par khul rahe hain sare mausam
jo apne ghar se bahar aa gaya hai
charagho ab zara apni sunao
hawa ka kaam pura ho chuka hai
mohabbat phir wahin le aai 'adil'
ye jangal bar-ha dekha hua hai
- Book : Sarsabz (Pg. 67)
- Author : Krishan Kumar Toor
- Publication : Sarsabz Dharamshala (April to September 2013)
- Edition : April to September 2013
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
