wahan usne jaane ki baat ki yahan mera chehra utar gaya

vahāñ us ne jaane kī baat kī yahāñ merā chehra utar gayā

mirā ā.īna mujhe dekh kar mire ḳhāl-o-ḳhad se mukar gayā

vo mirā nahīñ bhī to kyā huā mujhe us kī ḳhushiyāñ 'azīz haiñ

use pahlī beTī 'atā huī mirā ghar khilaunoñ se bhar gayā

maiñ mohabbatoñ kī qabīl se kisī ghar kā āḳhirī fard huuñ

kahīñ chāñd dekhā to ro paḌā kahīñ phuul dekhe to Dar gayā

hameñ fursateñ hī kahāñ milīñ ki ham ek duuje ko dekhte

kabhī chāñd aa gayā abr meñ kabhī maiñ bhī chhat se utar gayā

mire be-niyāz tirī talab kā mu'āmla hī kuchh aur hai

koī terī dhuup meñ jī uThā koī terī chhāoñ meñ mar gayā

tū pukārtā na phire kahīñ mujhe dasht-e-zo'm-e-gurez meñ

maiñ huuñ ek lamha-e-rā.igāñ maiñ guzar gayā to guzar gayā

wahan us ne jaane ki baat ki yahan mera chehra utar gaya

mera aaina mujhe dekh kar mere KHal-o-KHad se mukar gaya

wo mera nahin bhi to kya hua mujhe us ki KHushiyan 'aziz hain

use pahli beTi 'ata hui mera ghar khilaunon se bhar gaya

main mohabbaton ki qabil se kisi ghar ka aaKHiri fard hun

kahin chand dekha to ro paDa kahin phul dekhe to Dar gaya

hamein fursaten hi kahan milin ki hum ek duje ko dekhte

kabhi chand aa gaya abr mein kabhi main bhi chhat se utar gaya

mere be-niyaz teri talab ka mu'amla hi kuchh aur hai

koi teri dhup mein ji uTha koi teri chhaon mein mar gaya

tu pukarta na phire kahin mujhe dasht-e-zo'm-e-gurez mein

main hun ek lamha-e-raigan main guzar gaya to guzar gaya