wahi dard-e-musalsal wahi sarf-e-dua main

vahī dard-e-musalsal vahī sarf-e-duā maiñ

basar hotī huī shab basar hotā huā maiñ

akelā apnā mahram ki apnā dūsrā maiñ

nazar meñ aa.ina maiñ samā.at meñ sadā.eñ

miyān-e-mahsharisatāñ ajab be-vāsta maiñ

nahīñ us kī ḳhabar maiñ nahīñ apnā pata maiñ

maiñ āsāñ bhī kaThin bhī magar tum kaun mere

maiñ aap apnā tazabzub ḳhud apnā faisla maiñ

sukūn-e-nā-āshnā log ye aapas meñ judā log

bahut kuchh dekhtā huuñ sar-e-rāhe khaḌā maiñ

maiñ kyā huuñ kis jagah huuñ kaho vābastagāñ kuchh

na miTTī kī mahak maiñ na parbat kī havā maiñ

tumheñ jab lauTnā ho ḳhushī se lauT aanā

vafā qaa.em milūñgā yahī maiñ tai-shuda maiñ

wahi dard-e-musalsal wahi sarf-e-dua main

basar hoti hui shab basar hota hua main

akela apna mahram ki apna dusra main

nazar mein aaina main samaat mein sadaen

miyan-e-mahsharisatan ajab be-wasta main

nahin us ki KHabar main nahin apna pata main

main aasan bhi kaThin bhi magar tum kaun mere

main aap apna tazabzub KHud apna faisla main

sukun-e-na-ashna log ye aapas mein juda log

bahut kuchh dekhta hun sar-e-rahe khaDa main

main kya hun kis jagah hun kaho wabastagan kuchh

na miTTi ki mahak main na parbat ki hawa main

tumhein jab lauTna ho KHushi se lauT aana

wafa qaem milunga yahi main tai-shuda main