wahi dasht-e-bala hai aur main hun

vahī dasht-e-balā hai aur maiñ huuñ

zamāne kī havā hai aur maiñ huuñ

tujhe ai ham-safar kaise sambhālūñ

pahāḌī rāsta hai aur maiñ huuñ

sukūt-e-koh hai aur sāya-e-dar

sadā-e-mā-sivā hai aur maiñ huuñ

magar shāḳhoñ se patte gir rahe haiñ

vahī āb-o-havā hai aur maiñ huuñ

ye saarī barf girne do mujhī par

tapish sab se sivā hai aur maiñ huuñ

ka.ī din se nasheman ḳhāk-e-dil kā

sar-e-shāḳh-e-havā hai aur maiñ huuñ

pahāḌoñ par kahīñ bārish huī hai

zamīñ mahv-e-duā hai aur maiñ huuñ

mujhe bhī kuchh na kuchh karnā paḌegā

zamāna sar-phirā hai aur maiñ huuñ

wahi dasht-e-bala hai aur main hun

zamane ki hawa hai aur main hun

tujhe ai ham-safar kaise sambhaalun

pahaDi rasta hai aur main hun

sukut-e-koh hai aur saya-e-dar

sada-e-ma-siwa hai aur main hun

magar shaKHon se patte gir rahe hain

wahi aab-o-hawa hai aur main hun

ye sari barf girne do mujhi par

tapish sab se siwa hai aur main hun

kai din se nasheman KHak-e-dil ka

sar-e-shaKH-e-hawa hai aur main hun

pahaDon par kahin barish hui hai

zamin mahw-e-dua hai aur main hun

mujhe bhi kuchh na kuchh karna paDega

zamana sar-phira hai aur main hun