wahi hadson ke qisse wahi maut ki kahani
vahī hādsoñ ke qisse vahī maut kī kahānī
abhī dastaras se bāhar hai shu.ūr-e-zindagānī
jo miTā ke apnī hastī banā ġham-gusār-e-sahrā
use raas kaise aatī tire dar kī pāsbānī
vahī shaḳhs lā-ubālī huā munkir-e-haqīqat
jise chilmanoñ kī sāzish se milī thī bad-gumānī
na ġhubār-e-kārvāñ hai na nishān-e-rāh-e-manzil
koī aks-e-māvarā kī kare kaise tarjumānī
jo fazā-e-bahr-o-bar ko kare aur bhī munavvar
karo ai 'vafā' musaḳhḳhar vo shuā-e-āsmānī
wahi hadson ke qisse wahi maut ki kahani
abhi dastaras se bahar hai shuur-e-zindagani
jo miTa ke apni hasti bana gham-gusar-e-sahra
use ras kaise aati tere dar ki pasbani
wahi shaKHs la-ubaali hua munkir-e-haqiqat
jise chilmanon ki sazish se mili thi bad-gumani
na ghubar-e-karwan hai na nishan-e-rah-e-manzil
koi aks-e-mawara ki kare kaise tarjumani
jo faza-e-bahr-o-bar ko kare aur bhi munawwar
karo ai 'wafa' musaKHKHar wo shua-e-asmani
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
