wahi haalat hain faqiron ke
vahī hālāt haiñ faqīroñ ke
din phire haiñ faqat vazīroñ ke
apnā halqa hai halqa-e-zanjīr
aur halqe haiñ sab amīroñ ke
har bilāval hai des kā maqrūz
paañv nañge haiñ benazīroñ ke
vahī ahl-e-vafā kī sūrat-e-hāl
vaare nyāre haiñ be-zamīroñ ke
sāzisheñ haiñ vahī ḳhilāf-e-avām
mashvare haiñ vahī mushīroñ ke
beḌiyāñ sāmrāj kī haiñ vahī
vahī din-rāt haiñ asīroñ ke
wahi haalat hain faqiron ke
din phire hain faqat waziron ke
apna halqa hai halqa-e-zanjir
aur halqe hain sab amiron ke
har bilawal hai des ka maqruz
panw nange hain benaziron ke
wahi ahl-e-wafa ki surat-e-haal
ware nyare hain be-zamiron ke
sazishen hain wahi KHilaf-e-awam
mashware hain wahi mushiron ke
beDiyan samraj ki hain wahi
wahi din-raat hain asiron ke
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
