وہی جو حیا تھی نگار آتے آتے

افسر الہ آبادی

وہی جو حیا تھی نگار آتے آتے

افسر الہ آبادی

MORE BY افسر الہ آبادی

    وہی جو حیا تھی نگار آتے آتے

    بتا تو ہی اب ہے وہ پیار آتے آتے

    نہ مقتل میں چل سکتی تھی تیغ قاتل

    بھرے اتنے امیدوار آتے آتے

    گھٹی میری روز آنے جانے سے عزت

    یہاں آپ کھویا وقار آتے آتے

    جگہ دو تو میں اس میں تربت بنا لوں

    بھرا ہے جو دل میں غبار آتے آتے

    ابھی ہو یہ فتنہ تو کیا کچھ نہ ہوگے

    جوانی کے لیل و نہار آتے آتے

    گھڑی ہجر کی کاش یا رب نہ آتی

    قیامت کے لیل و نہار آتے آتے

    خبر دیتی ہے یاد کرتا ہے کوئی

    جو باندھا ہے ہچکی نے تار آتے آتے

    پھر آئے جو تم مہرباں جاتے جاتے

    پھری گردش روزگار آتے آتے

    ازل سے ابد کو تو جانا تھا افسرؔ

    چلے آئے ہم اس دیار آتے آتے

    RECITATIONS

    نعمان شوق

    نعمان شوق

    نعمان شوق

    وہی جو حیا تھی نگار آتے آتے نعمان شوق

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY