wahi karwan wahi qafila tumhein yaad ho ki na yaad ho

vahī kārvāñ vahī qāfila tumheñ yaad ho ki na yaad ho

vahī manzil aur vahī marhala tumheñ yaad ho ki na yaad ho

mutafā.ilun mutafā.ilun mutafā.ilun mutafā.ilun

ise vazn kahte haiñ sher kā tumheñ yaad ho ki na yaad ho

vahī shukr hai jo sipās hai vo malūl hai jo udaas hai

jise shikva kahte ho hai gila tumheñ yaad ho ki na yaad ho

vahī naqs hai vahī khoT hai vahī zarb hai vahī choT hai

vahī suud hai vahī fā.eda tumheñ yaad ho ki na yaad ho

vahī hai nadī vahī nahr hai vahī mauj hai vahī lahr hai

ye habāb hai vahī bulbula tumheñ yaad ho ki na yaad ho

vahī kizb hai vahī jhuuT hai vahī jur.a hai vahī ghūñT hai

vahī josh hai vahī valvala tumheñ yaad ho ki na yaad ho

vahī sāthī hai jo rafīq hai vahī yaar hai jo sadīq hai

vahī mehr hai vahī māmtā tumheñ yaad ho ki na yaad ho

jise bhed kahte ho raaz hai jise baajā kahte ho saaz hai

jise taan kahte ho hai navā tumheñ yaad ho ki na yaad ho

jo murād hai vahī mudda.ā vahī muttaqī vahī pārsā

jo phañse balā meñ vo mubtalā tumheñ yaad ho ki na yaad ho

jo kahā hai maiñ ne maqāl hai jo namūna hai so misāl hai

mirī sarguzisht hai mājrā tumheñ yaad ho ki na yaad ho

jo chunāñche hai vahī jaisā hai jo che-gona hai vahī kaisā hai

jo chunāñ-chunīñ hai so hā-kazā tumheñ yaad ho ki na yaad ho

vahī ḳhvār hai jo zalīl hai vahī dost hai jo ḳhalīl hai

bad-o-nek kyā hai burā bhalā tumheñ yaad ho ki na yaad ho

wahi karwan wahi qafila tumhein yaad ho ki na yaad ho

wahi manzil aur wahi marhala tumhein yaad ho ki na yaad ho

mutafailun mutafailun mutafailun mutafailun

ise wazn kahte hain sher ka tumhein yaad ho ki na yaad ho

wahi shukr hai jo sipas hai wo malul hai jo udas hai

jise shikwa kahte ho hai gila tumhein yaad ho ki na yaad ho

wahi naqs hai wahi khoT hai wahi zarb hai wahi choT hai

wahi sud hai wahi faeda tumhein yaad ho ki na yaad ho

wahi hai nadi wahi nahr hai wahi mauj hai wahi lahr hai

ye habab hai wahi bulbula tumhein yaad ho ki na yaad ho

wahi kizb hai wahi jhuT hai wahi jura hai wahi ghunT hai

wahi josh hai wahi walwala tumhein yaad ho ki na yaad ho

wahi sathi hai jo rafiq hai wahi yar hai jo sadiq hai

wahi mehr hai wahi mamta tumhein yaad ho ki na yaad ho

jise bhed kahte ho raaz hai jise baja kahte ho saz hai

jise tan kahte ho hai nawa tumhein yaad ho ki na yaad ho

jo murad hai wahi muddaa wahi muttaqi wahi parsa

jo phanse bala mein wo mubtala tumhein yaad ho ki na yaad ho

jo kaha hai main ne maqal hai jo namuna hai so misal hai

meri sarguzisht hai majra tumhein yaad ho ki na yaad ho

jo chunanche hai wahi jaisa hai jo che-gona hai wahi kaisa hai

jo chunan-chunin hai so ha-kaza tumhein yaad ho ki na yaad ho

wahi KHwar hai jo zalil hai wahi dost hai jo KHalil hai

bad-o-nek kya hai bura bhala tumhein yaad ho ki na yaad ho