wahi maqam jahan gum hui thi zat meri

vahī maqām jahāñ gum huī thī zaat mirī

usī maqām se ubhregī kā.enāt mirī

kisī ke shauq-e-safar ne mujhe muqīm kiyā

Thahar Thahar ke guzarne lagī hai raat mirī

urūs-e-fikr kī doshīzgī salāmat hai

hazār baar suhāgan huī hayāt mirī

zamāna ziist ke unvāñ badal chukā lekin

har ek baat se niklī vahāñ bhī baat mirī

falak se TuuT ke jab bhī zamīñ pe aa.e haiñ

raqam kiyā hai sitāroñ ne vārdāt mirī

tumhāre naam se sar pe sajā liyā jis ko

simaT ga.ī usī āñchal meñ kā.enāt mirī

wahi maqam jahan gum hui thi zat meri

usi maqam se ubhregi kaenat meri

kisi ke shauq-e-safar ne mujhe muqim kiya

Thahar Thahar ke guzarne lagi hai raat meri

urus-e-fikr ki doshizgi salamat hai

hazar bar suhagan hui hayat meri

zamana zist ke unwan badal chuka lekin

har ek baat se nikli wahan bhi baat meri

falak se TuT ke jab bhi zamin pe aae hain

raqam kiya hai sitaron ne wardat meri

tumhaare nam se sar pe saja liya jis ko

simaT gai usi aanchal mein kaenat meri