wahi meri kam-nasibi wahi teri be-niyazi
Interesting Fact
Baal-e-Gibril
vahī merī kam-nasībī vahī terī be-niyāzī
mire kaam kuchh na aayā ye kamāl-e-nai-navāzī
maiñ kahāñ huuñ tū kahāñ hai ye makāñ ki lā-makāñ hai
ye jahāñ mirā jahāñ hai ki tirī karishma-sāzī
isī kashmakash meñ guzrīñ mirī zindagī kī rāteñ
kabhī soz-o-sāz-e-'rūmī' kabhī pech-o-tāb-e-'rāzī'
vo fareb-ḳhurda shāhīñ ki palā ho kargasoñ meñ
use kyā ḳhabar ki kyā hai rah-o-rasm-e-shāhbāzī
na zabāñ koī ġhazal kī na zabāñ se bā-ḳhabar maiñ
koī dil-kushā sadā ho ajamī ho yā ki taazī
nahīñ faqr o saltanat meñ koī imtiyāz aisā
ye sipah kī teġh-bāzī vo nigah kī teġh-bāzī
koī kārvāñ se TuuTā koī bad-gumāñ haram se
ki amīr-e-kārvāñ meñ nahīñ ḳhū-e-dil-navāzī
wahi meri kam-nasibi wahi teri be-niyazi
mere kaam kuchh na aaya ye kamal-e-nai-nawazi
main kahan hun tu kahan hai ye makan ki la-makan hai
ye jahan mera jahan hai ki teri karishma-sazi
isi kashmakash mein guzrin meri zindagi ki raaten
kabhi soz-o-saz-e-'rumi' kabhi pech-o-tab-e-'raazi'
wo fareb-KHurda shahin ki pala ho kargason mein
use kya KHabar ki kya hai rah-o-rasm-e-shahbazi
na zaban koi ghazal ki na zaban se ba-KHabar main
koi dil-kusha sada ho ajami ho ya ki tazi
nahin faqr o saltanat mein koi imtiyaz aisa
ye sipah ki tegh-bazi wo nigah ki tegh-bazi
koi karwan se TuTa koi bad-guman haram se
ki amir-e-karwan mein nahin KHu-e-dil-nawazi
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
