wahi pyas hai wahi dasht hai wahi gharana hai
vahī pyaas hai vahī dasht hai vahī gharānā hai
mashkīze se tiir kā rishta bahut purānā hai
sub.h savere ran paḌnā hai aur ghamsān kā ran
rātoñ raat chalā jaa.e jis jis ko jaanā hai
ek charāġh aur ek kitāb aur ek umīd-e-asāsa
us ke ba.ad to jo kuchh hai vo sab afsāna hai
dariyā par qabza thā jis kā us kī pyaas azaab
jis kī Dhāleñ chamak rahī thiiñ vahī nishāna hai
kāsa-e-shām meñ sūraj kā sar aur āvāz-e-azāñ
aur āvāz-e-azāñ kahtī hai farz nibhānā hai
sab kahte haiñ aur koī din ye hañgāma-e-dahr
dil kahtā hai ek musāfir aur bhī aanā hai
ek jazīra us ke aage pīchhe saat samundar
saat samundar paar sunā hai ek ḳhazāna hai
wahi pyas hai wahi dasht hai wahi gharana hai
mashkize se tir ka rishta bahut purana hai
subh sawere ran paDna hai aur ghamsan ka ran
raaton raat chala jae jis jis ko jaana hai
ek charagh aur ek kitab aur ek umid-e-asasa
us ke baad to jo kuchh hai wo sab afsana hai
dariya par qabza tha jis ka us ki pyas azab
jis ki Dhaalen chamak rahi thin wahi nishana hai
kasa-e-sham mein suraj ka sar aur aawaz-e-azan
aur aawaz-e-azan kahti hai farz nibhana hai
sab kahte hain aur koi din ye hangama-e-dahr
dil kahta hai ek musafir aur bhi aana hai
ek jazira us ke aage pichhe sat samundar
sat samundar par suna hai ek KHazana hai
This content features in following collection(s)
Additional information available
Click on the INTERESTING button to view additional information associated with this sher.
About this sher
Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.
rare Unpublished content
This ghazal contains ashaar not published in the public domain. These are marked by a red line on the left.
