wahi rang-e-ruKH pe malal tha ye pata na tha

vahī rañg-e-ruḳh pe malāl thā ye pata na thā

mirā ġham bhī shāmil-e-hāl thā ye pata na thā

vahī shaam āḳhirī shaam thī ye ḳhabar na thī

vahī vaqt vaqt-e-zavāl thā ye pata na thā

mujhe kar gayā jo tahī tahī bhare shahr meñ

vo mirā hī dast-e-savāl thā ye pata na thā

mujhe but banā ke chale ga.e ki na ro sakūñ

unheñ merā itnā ḳhayāl thā ye pata na thā

vo havā-e-marg thī jis se dil kā diyā bujhā

mire dil kā bujhnā kamāl thā ye pata na thā

maiñ 'mujībī' DhūñDūñ kahāñ use vo kahāñ mile

vo to aap apnī misāl thā ye pata na thā

wahi rang-e-ruKH pe malal tha ye pata na tha

mera gham bhi shamil-e-haal tha ye pata na tha

wahi sham aaKHiri sham thi ye KHabar na thi

wahi waqt waqt-e-zawal tha ye pata na tha

mujhe kar gaya jo tahi tahi bhare shahr mein

wo mera hi dast-e-sawal tha ye pata na tha

mujhe but bana ke chale gae ki na ro sakun

unhen mera itna KHayal tha ye pata na tha

wo hawa-e-marg thi jis se dil ka diya bujha

mere dil ka bujhna kamal tha ye pata na tha

main 'mujibi' DhunDun kahan use wo kahan mile

wo to aap apni misal tha ye pata na tha