wahshat-e-dast-o-gareban na tujhe hai na mujhe

vahshat-e-dast-o-garebāñ na tujhe hai na mujhe

jur.at-e-dasht-o-bayābāñ na tujhe hai na mujhe

dil ke kahne se abas us kī tamannā kī thī

hasrat-e-rañg-e-bahārāñ na tujhe hai na mujhe

chhoḌ aa.e tirī ḳhātir qafas-e-āfiyyat

raas ab sehn-e-gulistāñ na tujhe hai na mujhe

apnī hī aag meñ jalne kī qasam khaa.ī hai

ḳhvāhish-e-sham-e-farozāñ na tujhe hai na mujhe

yaad aa.ī to faqat chāñd kā chehra dekhā

tāb-e-nūr-e-ruḳh-e-tābāñ na tujhe hai na mujhe

kuchh na kuchh us ne rah-o-rasm nibhā.ī hogī

be-sabab shikva-e-'sultāñ' na tujhe hai na mujhe

wahshat-e-dast-o-gareban na tujhe hai na mujhe

jurat-e-dasht-o-bayaban na tujhe hai na mujhe

dil ke kahne se abas us ki tamanna ki thi

hasrat-e-rang-e-bahaaran na tujhe hai na mujhe

chhoD aae teri KHatir qafas-e-afiyyat

ras ab sehn-e-gulistan na tujhe hai na mujhe

apni hi aag mein jalne ki qasam khai hai

KHwahish-e-sham-e-farozan na tujhe hai na mujhe

yaad aai to faqat chand ka chehra dekha

tab-e-nur-e-ruKH-e-taban na tujhe hai na mujhe

kuchh na kuchh us ne rah-o-rasm nibhai hogi

be-sabab shikwa-e-'sultan' na tujhe hai na mujhe