wahshat-e-dil sila-e-abla-pai le le

Ahmad Faraz

wahshat-e-dil sila-e-abla-pai le le

Ahmad Faraz

MORE BYAhmad Faraz

    vahshat-e-dil sila-e-ābla-pā.ī le le

    mujh se yā-rab mire lafzoñ kamā.ī le le

    aql har baar dikhātī thī jale haath apne

    dil ne har baar kahā aag parā.ī le le

    maiñ to us sub.h-e-daraḳhshāñ ko tavañgar jānūñ

    jo mire shahr se kashkol-e-gadā.ī le le

    ġhanī hai magar itnī haiñ sharā.it terī

    vo mohabbat jo hameñ raas na aa.ī le le

    aisā nādān ḳharīdār bhī koī hogā

    jo tire ġham ke evaz saarī ḳhudā.ī le le

    apne dīvān ko galiyoñ meñ liye phirtā huuñ

    hai koī jo hunar-e-zaḳhm-numā.ī le le

    merī ḳhātir na sahī apnī anā ḳhātir

    apne bandoñ se to pindār-e-ḳhudā.ī le le

    aur kyā nazr karūñ ai ġham-e-dildār-e-farāz

    zindagī jo ġham-e-duniyā se bachā.ī le le

    wahshat-e-dil sila-e-abla-pai le le

    mujh se ya-rab mere lafzon ki kamai le le

    aql har bar dikhati thi jale hath apne

    dil ne har bar kaha aag parai le le

    main to us subh-e-daraKHshan ko tawangar jaanun

    jo mere shahr se kashkol-e-gadai le le

    tu ghani hai magar itni hain sharait teri

    wo mohabbat jo hamein ras na aai le le

    aisa nadan KHaridar bhi koi hoga

    jo tere gham ke ewaz sari KHudai le le

    apne diwan ko galiyon mein liye phirta hun

    hai koi jo hunar-e-zaKHm-numai le le

    meri KHatir na sahi apni ana ki KHatir

    apne bandon se to pindar-e-KHudai le le

    aur kya nazr karun ai gham-e-dildar-e-faraaz

    zindagi jo gham-e-duniya se bachai le le

    Source:

    • Book : kulliyat-e-ahmad faraaz (Pg. 259)
    • Author : Ahmad faraz
    • Publication : Fareed book depot(pvt)ltd (2010)
    • Edition : 2010
    0
    COMMENTS
    VIEW COMMENTS

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY