aaj ik aur baras biit gayā us ke baġhair

jis ke hote hue hote the zamāne mere

CANCEL DOWNLOAD SHER

wahshat ke sath dasht meri jaan chahiye

Irfan Siddiqi

wahshat ke sath dasht meri jaan chahiye

Irfan Siddiqi

MORE BYIrfan Siddiqi

    vahshat ke saath dasht mirī jaan chāhiye

    is aish ke liye sar-o-sāmān chāhiye

    kuchh ishq ke nisāb meñ kamzor ham bhī haiñ

    kuchh parcha-e-savāl bhī āsān chāhiye

    tujh ko supurdagī meñ simaTnā bhī hai zarūr

    sachchā hai kārobār to nuqsān chāhiye

    ab tak kis intizār meñ baiThe hue haiñ log

    ummīd ke liye koī imkān chāhiye

    hogā yahāñ na dast-o-garebāñ faisla

    is ke liye to hashr maidān chāhiye

    āḳhir hai e'tibār-e-tamāshā bhī koī chiiz

    insān thoḌī der ko hairān chāhiye

    jaarī haiñ pā-e-shauq īzā-rasānīyāñ

    ab kuchh nahīñ to sair-e-bayābān chāhiye

    sab shā.irāñ ḳharīda-e-darbār ho ga.e

    ye vāqi.a to dāḳhil-e-dīvān chāhiye

    mulk-e-suḳhan meñ yuuñ nahīñ aane inqalāb

    do-chār baar nuun elaan chāhiye

    apnā bhī muddatoñ se hai ruq.a lagā huā

    bilqīs-e-shā.irī ko sulaimān chāhiye

    wahshat ke sath dasht meri jaan chahiye

    is aish ke liye sar-o-saman chahiye

    kuchh ishq ke nisab mein kamzor hum bhi hain

    kuchh parcha-e-sawal bhi aasan chahiye

    tujh ko supurdagi mein simaTna bhi hai zarur

    sachcha hai karobar to nuqsan chahiye

    ab tak kis intizar mein baiThe hue hain log

    ummid ke liye koi imkan chahiye

    hoga yahan na dast-o-gareban ka faisla

    is ke liye to hashr ka maidan chahiye

    aaKHir hai e'tibar-e-tamasha bhi koi chiz

    insan thoDi der ko hairan chahiye

    jari hain pa-e-shauq ki iza-rasaniyan

    ab kuchh nahin to sair-e-bayaban chahiye

    sab shairan KHarida-e-darbar ho gae

    ye waqia to daKHil-e-diwan chahiye

    mulk-e-suKHan mein yun nahin aane ka inqalab

    do-chaar bar nun ka elan chahiye

    apna bhi muddaton se hai ruqa laga hua

    bilqis-e-shairi ko sulaiman chahiye

    RECITATIONS

    Nomaan Shauque

    Nomaan Shauque,

    Nomaan Shauque

    wahshat ke sath dasht meri jaan chahiye Nomaan Shauque

    Additional information available

    Click on the INTERESTING button to view additional information associated with this sher.

    OKAY

    About this sher

    Lorem ipsum dolor sit amet, consectetur adipiscing elit. Morbi volutpat porttitor tortor, varius dignissim.

    Close

    rare Unpublished content

    This ghazal contains ashaar not published in the public domain. These are marked by a red line on the left.

    OKAY

    Jashn-e-Rekhta | 8-9-10 December 2023 - Major Dhyan Chand National Stadium, Near India Gate - New Delhi

    GET YOUR PASS
    Speak Now